来了

【糧頭鑊氣炒粉麵系列】之【乾炒澳洲穀飼熟成安格斯西冷牛扒泰國芽菜日本洋蔥炒陳明記河粉】
糧頭可以食好啲 , 炒返個熟成西冷牛扒河餸冰凍啤酒先 , 牛扒炒河感覺浪費嗎 ? 絕對唔會 , 高級的食材烹調錯誤而報消不能吃要倒垃圾桶先叫浪費 , 食晒落肚的就唔會係浪費 , 所以要段練好廚藝煮好啲食好啲就唔會浪費啦 .....
【材料】澳洲熟成安格斯西冷牛扒 , 泰國芽菜 , 日本洋蔥 , 本地蔥 , 陳明記河粉 .....
【調味】雞粉 , 老抽 , 美極 , 糖 , 胡椒粉 , 麻油
【準備】西冷牛扒不醃味直接煎半熟切粗條留肉汁備用 , 調味料溝肉汁拌勻備用 , 河粉整散分開一條條 , 洋蔥切絲 , 蔥切段 , 芽菜蔥段猛火爆炒灒料酒隔水備用 .....
【製法】猛火燒紅鑊落油爆香洋蔥落河粉炒散 , 河粉炒到乾身落牛扒及芽菜蔥段炒勻 , 落調味汁猛火快炒到有香味即可上碟 , 撒上炒芝麻增香味 , 熱辣辣 , 香噴噴 , 盡快享用 .....
【技巧】
河粉 : 落鑊時一定要係室溫 , 唔可係雪櫃拿出直接落鑊 , 否則痴晒鑊兼碎晒 .....
芽菜 : 要先炒好隔水 , 炒好河粉才落芽菜 , 否則會出水令河粉斷開 , 灒酒可去芽菜草青味 .....
炒牛河 : 唔好落豬油 , 如果有牛膏起鑊取油來炒就無敵了 .....
泰國芽菜 : 不多介紹 , 一試難忘
調味汁 : 一定要炒到最後落 , 溝好調味好處係好似最快速及均勻地撈勻河h粉 , 如果一早落調味就會一早痴晒鑊兼燶晒底 .....
炒法 : 河粉粗幼無關係的 , 只要炒得好就唔會碎 , 唔好用鑊剷去炒 , 最好用筷子炒 , 就無咁易碎 .....

所有跟帖： 

• 你这一段话看到我头好晕。 -水墨时光- ♀ (0 bytes) () 09/25/2019 postreply 19:53:35

• 做得好河粉，头必须晕。。。 -weiwuwei- ♀ (0 bytes) () 09/27/2019 postreply 15:17:33