想起一段文革中格笑话－－半块红乳腐

一天， 几个小赤佬马路上头晃来晃去， 呒啥事体做，看到一对青年男女， 从动作上可以看出是在谈朋友，大家都是过来人， 知道结婚前后荡马路的相互动作是不同的。
迭几个小赤佬打甏起劲了， 一个讲“我可以拿伊拉俩家头拆散”， 其他几个自然不信， 那么就打赌一块小冰砖。
迭只小鬼上去了， 对话和动作如下（以小，男， 女为名）
小（上前拉了拉男的衣袖）：阿哥，好回去咧
 男（回头瞄一眼小,没介意）：侬啥人啊？
小： 阿哥， 好回去了， 爷老头子叫侬回去啦
男（摔开小拉他的衣袖）： 死开死开，小赤佬， 啥人认得侬啊，（转过身对女）：啊里得来个小赤
       佬，我又勿认得伊，搞啥屁招经。
小：阿哥， 真格， 侬再勿回去，老头子光火来。
男（冒火）： 滚衲娘个咚采，啥人是侬阿哥啊？ 侬拆哪搞七捻三，当心吃生活！
小（装怕相，又拉着男的衣袖）：阿哥， 真个， 爷老头子老勿开心个，勒屋里骂三门，叫我出来寻
       侬，寻着了侬又勿肯回去。
男（凶狠狠地）：松手！ 侬松手伐？再勿松手真格刮侬耳光了啊！
女（一边冷眼不语）
小（更拉紧了点男衣袖）：阿哥， 侬跟我回去， 好勿啦， 侬勿回去阿姆还要骂我来
男（猛推一把小）：滚衲娘个蛋， 阿里得来个小赤佬， 冒充我阿弟， 我阿里得有迭种坍招式阿
      弟阿？ 碰着赤佬了，死开点！
小（眼泪出来一点，用手一擦）：侬勿回去，侬晓得伐，隔壁阿三来问侬讨迭件的确凉衬衫，伊讲侬已
       经借了好几日还勿还给伊， 伊还要用来，阿姆老勿捂心格，讲侬自家没有嘛就勿要借来轧台型。
男（火冒三丈，作势要踢小）：侬跑开伐， 侬再勿跑开， 看我勿一脚拿侬踢到马路对过去！？
小（哭出声了）：好好，侬勿回去， 我回去告诉爷娘， 侬老卵不过，本来阿姆替侬还留了半块红乳腐，回去我去吃特伊， 勿特侬留了。（跑开了）
男（回头望， 见女欲走开）：侬勿要跑呀， 侬听我讲呀， 迭只瘪三真个勿是我阿弟， 真个啥人认得
      伊呀，勿要跑呀， 听我好好替侬讲， 阿拉屋里勿是轧推板格....  侬好好叫听我替侬讲呀  ....
 




请阅读更多我的博客文章>>>

所有跟帖： 

• 呵呵--想起小晨光捣蛋鬼了：）） -江上一郎- ♂ (0 bytes) () 04/07/2012 postreply 17:37:16

• 坏料 -halfdummy- ♂ (0 bytes) () 04/08/2012 postreply 10:48:40