【2020鼠你最放飞】 --- 表演现场錄音節选： 数白榄

故事慨要： 书生卞磯听丫环春蘭说， 小姐不能嫁他。 心灰意冷要出家做和尚。

原來春蘭只是試探他。 春蘭教卞磯一个办法， 男扮女装潜入小姐闺房。。。。。。

春蘭: (白) 哎吔, 唔好呀相公, 我只不過係試下你架咋.

卞磯: (白) 試下我? 唔通你有辦法?

春蘭: (白) 我就梗係有辦法啦!

(起白欖) 你啲讀書人, 見識少, 夜嘛嘛, 點把衷情表. 只有你知聞, 就我知曉,

我地老爺家教極森嚴, 哎吔碰親都唔係講笑.

等我想一想, 嚟度下橋咋.

你對眼都幾夠俏, 瓜子面都幾夠照,都妙在腰肢窄窄紅唇小,

扮作女兒家. 哎吔, 身段都還窈窕, 還窈窕呀.

卞磯: (接白欖) 春蘭姐呀你咪講笑啦, 我易作雄雞啼, 難扮春鶯叫.

我頭上又冇珠釵噃! 春蘭: (接) 我地小姐任得你要啦.

卞磯: (接) 我身上又冇衣裳, 春蘭: (接) 有我春蘭來照料呀.

卞磯: (接) 腳下又冇花鞋噃, 春蘭: (接) 著我小姐嘅仲夠照!

卞磯: (白) 都係唔得嘅. (起花下句) 頭上珠釵還可戴, 借穿羅服也蕭條,

你睇下男兒腳似採蓮船, 又點及你小姐金蓮細小呢.

春蘭: (花下句) 我最多一夜繡鞋勤針線, 做完都未必到明朝.

卞磯: 請你立即趕返閨房, 莫把時光阻了.

春蘭: 得啦, 我歸去安排一切, 好待你喬裝改扮女嬌嬈……

======================================================================

视频已删。 谢谢觀賞+美言鼓励！