曾幾何時,我地去外國,人地問起我地邊度黎,我都以答" 香港人" 為榮, 不過,再係咁落去, 我都唔敢比人知我係香港人....
因為香港人=麻煩人=自私精..... 唉... 真失禮...
==============================================
【蘋果日報】搶購日貨 香港人失禮
日本先有地震破壞，後有輻射危機，但大部份日本人仍保持鎮定、秩
序良好；相反香港卻出現搶購日本奶粉人龍，又有人掃光日本鮑魚，
更有奸商⋯⋯坐地起價。
有身在東京香港人「睇唔過眼」，越洋「鬧爆」港人：「這些搶鮑魚和奶粉的新聞，如果讓全世界人看到，只會睇唔起香港人。」他希望港人好好反省。
居日港人轟港亂象
Andrew是飛機師，與日籍太太定居東京上野七年，雖然東京面對核輻射威脅，但 Andrew和太太沒有打算離開，他說：「因為我和太太都不恐慌，更不想將恐慌帶給這個國家。」 Andrew指確實有小部份日人逃往關西，但大部份人選擇留低，
「因為他們不想將麻煩帶給關西人和政府」。
透過電視和互聯網， Andrew連日收看香港傳媒報道，看到有港人搶購奶粉和鮑魚， Andrew形容非常失望和憤怒：「如果在美國看到這畫面，還以
為地震是發生在香港，而不是日本。」
Andrew形容，無論世界發生甚麼事，香港人只關心自身利益，生活上輕微改變都無法忍受，「英國大雪就要政府包機，大廈倒塌重建，住遠少少都要投訴」，他指日本人在地震中表現鎮定、自律，是社會長年教育的成果，但香港家長教育子女只一味追求成績。他希望香港人可以表現堅強一點，為社會盡一分責任，不要只懂投訴。
================================
由幾時開始, 我地由樂於助人,變成自私自利?
由幾時開始, 我地由熱情好客,變成冷酷無情?
再咁投訴投訴再投訴, 怪不得香港人咁退步啦!
又講返之前見到班煙民上街遊行反對加煙稅...
點解佢地做得出!!?? 咪就係因為佢地係香港人囉!!
香港唔止係投訴之都, 係自私之都先最貼切!!!
睇完自後,不如大家諗下,由今日開始
生活上可以有咩改變.咁樣會令社會更好人更好
下次, 當有人問你, where are you come from?
希望我地可以引以為榮咁答 : Hong Kong !
