早春三月，乍暖还寒，一场又一场的连绵春雨，带来唔少烦恼。
做包租婆，至怕接到租客电话。
呢一日，刚刚食完晚饭，手机响，来电显示∶「租客陈小姐」。
黄师奶好庆幸自己的租客甚少麻烦。之但系，一旦 上门，多数都系好头痕事。
果然，陈小姐惊慌地说∶「我间屋天花滴水呀！」
黄生黄太赶到出租单位──大滴大滴的水珠由天花滴落，住客用个盆仔接住水，情形好似粤语片 。而漏水之处，天花泡起一大片。
好彩黄师奶都醒目架啦，有备而来，即刻急call管理处，请管理处职员影定相，有相为证，之後捉住管理处职员，尽快同我 楼上个业主出。
好彩，楼上业主都系斯文人，两父女连夜赶返，哎呀，原来厨房已经水漫金山，就浸到出厅。伯伯即刻清积水，囡囡就落楼下睇实情，又不断向租客小姐道歉。 都怕我一纸告上法庭。
呢个世界，与人方便，自己方便。
如果遇著个唔理唔睬，「天日先啦」的芳邻，黄师奶都无可奈何呀。
商讨对策期间，租客指住霉迹斑斑的天花问有乜解救，话∶「听闻向西单位就唔会有呢情形。」
黄师奶苦笑∶「我屋企住高层，向西，你信唔信，仲严重过你度。由入门处直至窗口，成个天花都系霉。」
早前，另一个新装修单位，日本客人来收楼时，经纪悄悄同黄师奶讲∶「哪，呢天花发霉，我可以唔出声，但如果个客要求你整，你就唔可以托手架。」黄师奶唯唯诺诺。又十分好彩，遇著个见多识广的日本小姐，大方话∶「我知道香港地好潮湿，我朋友住海逸豪园都系 。你可唔可以帮我抹干净？」
系得啦！
黄生有朋友系大学教授，谂出一招，用1∶2漂白水兑清水，注入喷壶，对住霉迹处，唧一唧、喷一喷，搞掂！
黄师奶同陈小姐倾谈时，提醒 ∶不过，你要用个透明胶袋笠住个头呀，防止漂白水伤到眼同容架。
