（笑話一則）- 任無奶與錢莊老板 《1》

（轉載）

話說2008年前某小島發生一件「驚天地，泣鬼神」的錢莊大騙案。某日錢莊老板氣急敗壞地跑到「乞人曾」衙門，要求見任先知....。
錢莊老板：任先知呀！點解呢件事搞成咁，全部D衰野都「爆」O世出來，我以後重駛做生意！？
任無奶：(Hold on)閘住！！以後咪叫我做「先知」，由而家開始叫番我做「無奶」就得喇！
錢莊老板：你真係「無賴」！？
任無奶：係任無奶，唔該你讀正D音！我同你相識多年，你知道我最喜歡飲「飛沙走奶」，《無奶的奶》。估唔到你老哥比我重叻，專賣《無債券的債券》，重賣到成行成市，賺(呃)埋咁多錢，佩服！佩服！
錢莊老板：嘻！我邊夠你咁叻？呢D野都係跟你學O既！有你照著，我先至夠膽賣O架！
任無奶：閘住！閘住！我無叫你賣！係你自己做埋D傷天害理的事！唔關我事！而家皇上責怪下來，你叫我點去交差？
錢莊老板：你可以話比皇上知，無咁O既事，經過調查後，己出O左份報告，結果「錢莊冇錯」就得喇！
任無奶：嘿！你鋪話法，呢件喪盡天良O既事早己通O世天，皇上點會信O架？我唔想揹呢隻黑鑊。咪喇！你最低限度其求認番五條罪就算喇，等我好交差吧？
錢莊老板：你真係「無奶」！話明O個個五宗罪唔可以「爆」出來！只有皇上才有權知道，等你慢慢疏通O下，望皇上從輕發落，點知你包庇不力，無法保密，讓班蟻民知道我地點樣呃佢地。你話喇！而家我地點樣收科呀！
任無奶：你地唔駛驚成咁喎！我任五招重有一招「司法覆核」重未駛出來，我要令班蟻民有得震冇得訓O既。
錢莊老板：你話O架！如果你搞唔惦，唔駛主意退休後過黎幫我手，我無咁多米飯養你O架，重有，你O既「貞節牌坊」到時未必可以保得住丫！
任無奶：得喇！錢老板請放心！你咁睇得起我，早排你班兄弟重週圍贊我係一個不可多得的人財，小弟內心己經感激流啼，我無奶唔做番朿好戲點對得你住啊！
錢莊老板：係先至好講呀！我真係擔心你唔夠對面O個個「異族」衙差玩呀！呢排佢好似同你對?幹，久唔久就做出台好戲威O下，比佢羅O左唔小分數，而你一分都羅唔到！
任無奶：無法啦！佢都唔係「同文同種」O既自己友，佢諗D野(思維)同我地完全唔同，我諗東，佢諗西。我地講「親疏有別」；講「視民意如浮雲」；講「條條 Fing)：重有乜都要講「關係」佢識講嗎？佢有咁O既文化嗎？真係雞同鴨講！
錢莊老板：好了！好了！唔好發咁多嘮叨，激壞自己喇！時間不早，就此告辭吧。
任無奶：再見！
－－－－－－－－－－－－－－－－－－－－－－－－－－－－－－
鄭重聲明：本網誌所有刊登的故事及笑劇都是純屬虛構，如有雷同，實屬巧合。