港独分子蔑视生命 还有什么资格谈人权？(作者：聂广男)

2014-03-03

http://speakout.hk/index.php/2013-11-04-09-33-03/2013-12-21-08-43-26/1252-2014-03-03-10-43-57

(香港)聂广男
80后IT人

云南昆明喺上星期六发生咗一宗惨无人道既血洗火车站恐怖袭击案，造成29人被杀害同140多人受伤，事件震惊全世界。但令广男最震惊既并唔係事件本身，而係喺暴力杀人事件发生后，一向充满正义感同有爱心既香港，竟然有啲摆明搞港独既「老鼠屎」浮出嚟，喺港独专页上留言表示对事件感到「痛快」，仲希望无辜既内地人「死多啲」，仲话要「感谢发动恐怖袭击」既人，称呼呢班残杀平民既疆独份子係「勇士」！

老老实实，就算对内地有几不满都好，所有平民都係无辜既，每一个死者原本都有权活得幸福快乐。而且莫讲话係活生生既一个人，眼见动物畀人惨杀，内心都唔可能觉得痛快啦，广男想知班港独份子係咪已经病入膏肓变晒心理变态！

早前《明报》前总编辑刘进图被斩伤入院，绝大部份香港人都义坟填膺，齐声谴责暴行，来自左中右阵营既新闻界、学界等人士仲走埋一齐举行「反暴力、缉真凶」游行；香港人总係在悲剧、危难发生之时发挥人性光辉一面，身為香港人既广男都好自豪。但事隔无耐，内地昆明就发生同样惨烈、受伤死亡人数更多既惨案，呢小部份成日话中央政府几冇人道同唔尊重人命既网民，竟然会发表啲凉薄到冇人信言论，简直就係去到人神共愤、令人齿冷既地步，呢班港独份子真係应该首先被谴责。

本港发生斩人案，港人勇敢企出嚟谴责，内地发生命案，我地唔係应该一视同仁咩？老实讲，广男唔介意一啲自称本土派嘅人唔认係中国人，但唔该搞清楚，而家面对既係无辜被杀既生命，无论係咩人、咩身份、咩地位，都唔应该受到暴力伤害，呢点係不刊之论，是非黑白极之清楚，冇得拗、冇得倾、冇得转弯。果啲话觉得「痛快」、「畅快」同「死多啲」既人，根本就唔係讲紧人话，广男甚至怀疑，佢哋係唔係人囉。

「惻隐之心，人皆有之」，广男认為同情心、同理心唔应该有双重标準，在任何地区施暴既人，都应该受谴责、惩罚；而受杀害、伤害既人，则需要同情、协助。呢股為内地悲剧感到「痛快」既思潮，绝对唔应该喺世界任何一个角落出现，作為香港一份子，我哋绝对唔可以怕咗呢股港独恶势力，佢搞唔搞港独，去到呢个地步已经唔係最重要，更重要係呢班垃圾出卖人类既灵魂同良知，呢种意识形态如果成為风气，甚有可能影响我哋既下一代，更加随时改变埋佢哋既价值观。面对呢股邪气歪风，大家必须同声谴责同直斥其非!

所有跟帖： 

• 香港1991年就在保护人权的国际公约上签字。 -互联网- ♂ (263 bytes) () 03/04/2014 postreply 07:16:15

• 港府失职啊。 -逐鹿中东- ♂ (0 bytes) () 03/04/2014 postreply 07:40:16

• 实在太过分了 -青松站- ♀ (0 bytes) () 03/04/2014 postreply 11:32:25