遇靚女真o岩我駛 恨佢魔鬼既三圍 就算追倒想結婚 話要擺酒百幾圍 為了娶得美妻 我願做奴隸 但冇錢銀擘面咁滯 外母一雙眼睛 眼內是錢幣 我衰仔咪想泵雞 *今天錢與銀 大家都說最實際 若冇錢銀o個個樣似鳥龜 總之想發威 一於等到我旺季 橫財夢定能實現 解決問題 為了打工邊有計 做到趴低似水泥 望o下波士個樣 面口黑黑似鍾馗 為了搵餐晏仔 卻願做奴隸 下氣吞聲我心翳滯 做到手腫腳跛 夾虐待腸胃 望有一天我可發威 重唱 * 若我一天可發威 盡把冤屈氣出齊 讓我一天執過位 運氣速速快o的來 做過出好戲睇 我立下宏誓 讓世間都變得美麗 運氣終於發揮 我後勁凌厲 讓我威威到天腳底 重唱 *?