立法會大樓慘變占中指揮中心

我哋納稅人養班立法會議員來做乜？立法會大樓依家仲可以做咩嘢？曾鈺成都宣佈推遲會期啦，泛民仲指責建制騎劫立法會，其實真正騎劫立法會嘅正正喺泛民。 鬥法會呢排冇會開？你錯啦，你見過占中人士喺立法會大樓開會未？呢個真唔喺天方夜譚，有立法會保安揭發，10月6、7、8號晚上，都要大批占中人士喺立法會九樓開會，大家識得嘅就包括20幾個泛民議員啦、學民思潮、學聯、占中三子，大拿拿幾十人。到底講di乜就冇人知，但估到估得到，占中依家咁多山頭，一時又話旺角市民不屬於學聯嘅，一時又話金鐘政總嘅市民唔喺和平占中嘅，更加有人同戴耀庭話你唔代表我，七國咁亂，運動要繼續，哽喺要有統一指揮部，先可以慢慢度Q同政府繼續玩。 立法會大樓就喺最好嘅指揮部啦，有政府出糧嘅差人同保安幫手睇水，唔怕狗仔偷拍偷聽，唔怕反占中人士包圍，有冷氣，有嘢食，有廁所，過埋夜都無人理，收埋政府地方反政府，好嘢。唔知佢哋幾時可以傾掂數走人？我哋都好辛苦架大佬。