面對違法 有誰未發聲？

就住近日嘅法律事件,公民黨和同民法律界都噤曬聲，完全冇曬捍衛法律嘅態度，令市民大為失望。

呢班友，以前叫捍衛司法獨立、言論自由、守護核心價值都不知幾口響，危言聳聽話中共侵害香港司法獨立，到今時今日法理唔係佢哋果邊嘅時候，竟然連最基本嘅風度都無，用小醜表演般嘅輕佻調戲口吻嘲弄法院同警察。

佢哋毫無廉恥嘞將自己嘅快樂同滿足建基於在市民大眾有口難言嘅痛苦上，自得其樂，幸災樂禍，落井下石。

呢班侵權民主派「順我者生逆我者亡」嘅天下無敵法則，所謂民主自由人權法治公義，原來一直好似黑社會宣示主權一般，佢哋條命係泛民嘅，生殺大權全掌握在泛民手上，專利權屬於泛民，黑白正邪由泛民定義，使用權由泛民壟斷，是泛民嘅提款機，反復在選舉時用來騙取選票，屢試不爽。

獅子山上掛條幅大煞風景，騎劫獅子山下嘅香港精神，本來係一件無聊無恥嘅事。同一張相，一邊係和平守法市民轉載猛烈批評，另一邊卻係二十幾位泛民議員不約而同轉載高歌，自豪到上曬腦，道德價值觀差咗180度。

腦殘邏輯，所向披靡；人若無恥，天下無敵。邊個先係真正嘅「禮義廉」？