hold住民意 肥佬黎出埋苦肉计？

學聯同政府對話輸清袋，佔領運動眼睇住衰收尾，反佔中大聯盟再度發起簽名挑戰佔中果20萬數字，形勢開始牙煙嘞。

呢個時候，蘋果日報再俾人淋油破壞，吸引傳媒眼光，唔使講梗喺建制做嘅啦。我話就唔一定，話唔埋肥佬黎作出來嘅苦肉計都極有可能。

香港依家擺明民意逆轉，建制、政府同市民都明白唔好用激烈手段俾人借力反彈，拖下拖下佢哋自己就玩完，反而喺人力、社民連同埋熱血公民呢啲激進組織開始騎劫運動，不斷挑戰香港法治及市民容忍底線，有人關注先至算喺社會運動，靜雞雞咁不如返屋企瞓。

常規來講呢個時候出來搞蘋果就真喺冇腦，不過如果喺自己搞自己打悲情牌呢就絕對喺好Q。肥佬黎嘅一傳媒老作其實有好多前科，毓民同黃洋達班友識黑社會就大家都知，如果自己揾人去搗亂，跟住再砌建制同政府一鑊，咁市民仲唔同情我哋？喺咪好高招呢。

佔中到咗今時今日，泛民同肥佬黎可以玩嘅花樣唔多架啦，自插一刀求絕處逢生都好理解，搞一次冇人注意，就再搞多一次，不過香港市民就唔喺低B啰。